Husahat tnayin tntesuhi / Հուսահատ տնային տնտեսուհի (2010)

Ռոբերտ Պյուժոլը անձրեւանոցներ արտադրող գործարանի տնօրեն է: Նա քարտուղարուհու հետ դավաճանում է կնոջը' Սյուզանին, եւ անվերջ կռիվների մեջ է աշխատանքային ավելի լավ պայմաններ պահանջող աշխատողների հետ: Գործադուլներ անող աշխատողների հետ պայքարը, նյարդային վիճակն ի վերջո կաթվածի են հասցնում Պյուժոլին, հիվանդանոց գցում, իսկ ընկերության տնօրենի աթոռին ստիպված ժամանակավորպես հայտնվում է տիկին Պյուժոլը… Եվ հանկարծ պարզվում է, որ միամիտ ու բացարձակ անփորձ տնային տնտեսուհին ոչ միայն կարողանում է հրաշալի ղեկավարել գործարանը, այլեւ այնքան էլ հասարակ կին չէ, ինչքան երեւում է առաջին հայացքից: Նա երիտասարդ տարիներին սիրային հարաբերություններ է ունեցել քաղաքապետի' կոմունիստ Մորիս Բոբենի հետ եւ հիմա հնարավորություն ունի հաղթելու նախկին սիրեկանին պատգամավորական ընտրություններում։